Croeso i flog Popeth yn Gymraeg, ychwanega dy sylwadau...

27ain Hydref, 2005

Brecwast yn Aberystwyth ar y ffordd i Dy Ddewi i ffilmio’r ail raglen. Trefniant buffet oedd ganddynt; gofynnais i'r weinyddes:

- "Ydw i'n helpu'n hunan?"
- "It's over there, I'll take your order for tea and toast now."
Yn ddiweddarach felly, wrth y bwrdd,
- "Tea or coffee?"
- "Te plîs"
- "And toast?"
- "Oes plîs"
- "And your room number?"
- "Tri"

Ddau funud yn ddiweddarach, dyma glywed merch arall yn gweiddi:

- "ma’ ishe mwy o wye."
a hon yn ateb:
- "wi’ di gofyn amdanyn nhw'n barod."

Dyw cwsmeriaid yn amlwg ddim i fod i siarad Cymraeg! Ac i arbed sioc i'r sustem, mae clustiau gweinyddes yn cyfieithu'n syth i'r Saesneg mae'n rhaid!
Dechrau anaddawol. Roedd y menyn ar y bwrdd yn "Gymraeg" yn ôl y papur oedd wedi'i lapio amdano; ond fedri di ddim siarad â menyn... waeth be mae'r gwneuthurwyr yn honni.


Gwellodd pethau ar ôl cyrraedd Ty Ddewi. Yn rhan o ddathliadau'n nawddsant, roedd yr Esgob Carl Cooper, a maer Noas, gefeilldref Ty Ddewi yn Llydaw yno. Roedd stondinau bwyd ar y maes a stondin cennin pedr. Dechreuais siarad hefo merch o flaen y stondin:

"Ni yw'r unig dyfwyr cennin pedr mawr yng Nghymru."

Dychmygais flodau mor fawr â forklifts cyn sylweddoli bod hi'n cyfeirio at faint y ffarm.

1 Sylwadau:

Am 2:11 AM, dywedodd Blogger Bodafon ...

Ifor, dwi'm yn gwybod syd i gysyllty gydach chi ond dwi'n cysyllty ar ran y gymdeithas Dafydd ap Gwilym yn Rhydychen i wahodd chi yma rhyw bryd, oes ganddon chi ddiddordeb? Plis plis plis!!!! Hefyd, dwi'n frawd i'r ferch dawns y blodau a lywygodd yn 1999 pan oeddech chi'n cael eich coroni ar Ynys Mon, fyse cael cyfle i chi gyfarfod yn wych! Dwi'n gobeithio da chi'n cael y neges yma, danfonwch ebost i mi ar dafydd.green@pmb.ox.ac.uk!

 

Post a Comment

<< Hafan